یوخلاییر چیچک

چیچه ییم باهارا گؤزلرین تیکیب

هئی باهار گله جک گؤز یاشین تؤکوب

نامردین الیندن گؤر نه لر چکیب

اؤزون بوداغیندا اوخلاییر چیچک

چیچک دن سورمایین دئمه ییر ندن

اوره یی اود توتور سولور گولمه دن

سارالدیر سیررینی اؤزگه بیلمه دن

قونچا دوداغیندا ساخلاییر چیچک

گونشه ساریلیر سارالیر سولدان

سولسادا دؤنمه ییر گئتدییی یولدان

آسیلیر سس سیزدن بیتدییی کولدان

سینیر بایراغیندا لاخلاییر چیچک

اوزولور بوداقدان تیکان بئلینده

سؤز قالیر قونچانین باغلی دیلینده

اسنه ییر باهارین وحشی یئلینده

خزل قوجاغیندا یوخلاییر چیچک