آچیق مکتوب نوبت بیزده

بئشینجی بؤلوم : نوبت بیزده

محمود اوجاقلو      روستم کاظیمپور

حمید توتوقلاناندا من ایش یئریمده دگیلیدیم. منه خبری باشقا بیر یولداشیم وئردی. چوخ تئز ایش یئریمه گئتدیم. روستم کاظیمپور (ائلدار) منیم ایش صاحیبیم ایدی. ایکیمیز برابر دوکانا یئتیشدیک. بیر آز دانیشدیق:

- بلکه بیزی ده توتسونلار!؟

- یوخ ! نه ایشلری وار!؟ بیز نه ائتمیشیک!؟

- قارداش گل نئچه گون توکانی باغلایاق چیخیب گئده ک بلکه ...!؟

- یوخ ! اوندا سؤز بازاری یولا دوشر.

ائله بونلاردان دانیشردیق کی بیر آن ائلدار منه دئدی :

- بی! ائله بیل گلدیلر!

دوز دئییردی بیر قارا سانتافا ماشینی دوکانین قاباغیندا ساخلادی. اوچ کیشی ایچیندن اندیلر. ایکیسی کؤک و بیری آریغی دیر. آریق کیشی تورکودور. (ماتورلا گؤزلوین آداملاردا گلدیلر آما ایچری گلمه دیلر اطرافدا دولانیردیلار.) توکانا همن گیریپ منیم آدیمی چاغیردیلار.

- آقای محمود اوجاقلو

ایسته دیم اؤزومو وورام او یولا آنجاق منیم شکلیم اللرینده واریدی و منه باخیردیلار. روستم کاظمپور دئدی :

-  بویورون !

منده قاباغا گلدیم و دئدیم : " منم. محمود اوجاقلومنم"

دئدی لر :

- سیز محکمه بویوروغونا گؤره (شهید مقدسی - ائوین محکمه سی) گؤز آلتینا آلینمالی سینز.

و روستم کاظیمپورا دئدیلر:

- سیزین ده توکانیزی بو آغانین بوردا اولماغینا گؤره آختارمالی ییق و دوکانی آختاراندان سونرا سیز نئچه ساحات بیزینله گلیب و بیر سیرا سوال لارا جاواب وئرمه لی سینیز!

هر حال منیم اللریمه کلفچه (دستبند) تاخدیلار و دوکانی آختاردیلار. توکاندان چوخلو شیء شوی ییغیب سانتافانین دالینا باسدیلار. سونرا دوکانی باغلاتدیردیلار و روستم قارداشیمیزین ائوینین آختارماسینا آپاردیلار. روستمین ائویندن سونرا آنبارینا و سونرا منیم آتامین ائوینه آپاریلدیق.

****

آتام ائوده ایدی. قاپینی آچدیلار و ائوه گیردیک. سونرا بیر سیرا باشقا قوروپ گلدیلر (گولوستان ایططیلاعتیندان) و ائوه گیردیلر. ائوده بیلدیلر کی منیم آتام سپاه امکلی سی دیر و مامورلار بیر آز چکیندیلر و آتامین سایقی سی قوروندو. بیر آز ائویمیزی آختاردیلار. من بو فرصت ده آتاملا و قارداشیملا دانیشدیم و لازیم اولان تاپیشیریقلاریمی دئدیم. یاریم ساحاتدان سونرا ائودن چیخدیق. ماشینا میندیک. آتام دالیمجا سو سپدی. گؤزلری دولموشدو. آرتیق بیز ائوین یولوندایدیق.

*********

   *)*)

بیرینجی بؤلوم

ایکینجی بؤلوم

اوچونجو بؤلوم

دؤدونجو بؤلوم

آلتینجی بؤلوم

یئدینجی بؤلوم